February 18, 2009 Book Release

PHR 2981 Luke, The Bodyguard by Camilla
Sa desperasyon na mapigilan ang kasal ng kanyang ama, Krista staged her own kidnapping. But her plan backfired. Sa takot para sa safety niya, ipinatapon siya ng kanyang ama sa private island nila, kasama ang guwapo at muy delicioso na bodyguard na si Lucas.
Hindi nakakagulat na umibig siya rito. Pero ang tanong: Mahal din ba siya nito—o nadala lang ito sa romantic atmosphere sa isla kaya may nangyari sa kanila?


PHR 2982 No More Tears by Kayla Caliente
Sa pangangalaga ni Rona naiwan ang kanyang pamangking si Marga. Ang kaso, sobrang pasaway ito. Sa katunayan, sinapak nito ang kaklase nitong si Francis! Nagalit tuloy si Lloyd, ang ama ng batang lalaki. Nagbanta pa ito sa pamunuan ng eskuwelahan na aalisin na lang nito roon ang anak.
Nakaisip naman ng paraan ang principal upang magkasundu-sundo sila. Maglalaan sila ni Lloyd ng oras para masamahan ang mga bata sa paglalaro at iba pang aktibidades.
Maganda naman ang naging resulta niyon. Ngunit dahil palagi silang nagkakasama, natagpuan na lang niya ang sariling gusto palaging nakikita si Lloyd. In love na yata siya rito. Ngunit may puwang ba siya sa puso ng lalaking ito na ang pagkakaalam niya ay may asawa na?


PHR 2983 Nakaw Na Pag-ibig by Kayla Caliente
Mahirap magmahal ng syota ng iba, ayon iyon sa Apo Hiking Society. One hundred percent na inaayunan iyon ni Carol. Ang kaso ay nanghihinayang siya kay Derek, ang macho, mabait, guwapo, edukado at katakam-takam na boyfriend ng kaibigan niyang si Jessa.
Pinasok yata ng surot ang kukote ng kaibigan niya dahil bigla ay ipinamimigay nito ang nobyo nito. Siya ang pinili nitong ambunan ng grasya. At dumating sa punto na naisip niyang bakit hindi. Nagpapatumpik-tumpik man ay nagpasya siyang pagbigyan ang weird na pakiusap ng kaibigan niya.
Pero kung kailan naman para na siyang tumama sa lotto ay saka niya natuklasan ang kay saklap na katotohanan. Lalabas siyang mas masahol pa sa ahas kapag itinuloy niya ang pagtanggap kay Derek sa puso niya…


PHR 2984 Ang Pangarap Ni Ging-ging by Camilla
Ang akala ni Ging-ging ay hanggang sa pangarap na lang ang lahat ng mga gusto niyang makamtan sa buhay. Then Nero came along—guwapo, edukado, at attracted sa kanya. Nagkaroon sila ng espesyal na relasyon.
Pero nang makita niya ito sa mall kasama ang anak ng may-ari ng pabrikang pinapasukan niya bilang operator, biglang gumuho ang mga pangarap niya. Ilusyon lang pala ang lahat sa pagitan nila ni Nero...


PHR 562 What Now, My Heart? by Rose Tan
Nagtangkang magpakamatay ang best friend ni Kit dahil niloko ito ng isang nagngangalang “Gabin Quirejero” na nakilala nito sa isang dating club.
Sumumpa siyang maghihiganti!
Ginamit niya ang dating club upang maka-date ang lalaki. Paiibigin niya ito at lolokohin katulad ng ginawa nito sa kanyang kaibigan. But when she finally got to meet him, she found out that he was the man she was searching for all her life.
They fell in love with each other!
Paano niya ngayon ipaliliwanag sa kanyang kaibigan na umibig siya sa lumoko rito? Ano ang magiging matimbang--ang pagkakaibigan o ang pag-ibig?


PHR 1356 Toby Loves Candy by Vanessa
Hindi maunawaan ni Candy ang sitwasyon nila ng kababata niyang si Toby. Mahigit sampung taon niyang hindi nakita ang lalaki at ngayo’y umaakto itong daig pa ang isang ulirang nobyo.
Why? Palagi itong nakaalalay sa bawat gawin niya, lagging nakabuntot saan man siya magpunta at, higit sa lahat, nagging hobby na yata nito ang paghalik sa kanya.
At siya naman, hinahayaan lamang niya ito.
Litung-lito na siya kung kaya’t ipinasya niyang tanungin ito. Ngunit isa palang malaking pagkakamali ang ginawa niyang iyon.


The Bachelors Series 49: Travis Ricaforte (Will You Be My Husband?) by Elizabeth McBride
Hindi tumigil si Lynette sa paghahanap sa kanyang Mr. Right. Natagpuan naman niya ito. All along, nasa tabi na pala niya ito at nagmamahal sa kanya. Ang best friend niyang si Travis pala ang sagot sa mga pangarap niya.
Sa pagnanais na hindi ito mawala sa kanya ay ginawa niya ang lahat para ma-please ito. Ang akala niya ay maayos na ang lahat. Until Travis broke up with her. Nasasakal daw ito sa pagmamahal niya.
Lynette could go looking for Mr. Right again. Pero paano kung wala nang ibang Mr. Right para sa kanya kundi si Travis?