March 4, 2009 Release

PHR 2991 Venice's Lucky Saturday by Vanessa

Tumakas si Venice sa kanyang lola na pilit siyang ipinakakasal sa isang lalaking hindi niya gusto at halos hindi niya kilala. Upang hindi siya mahanap nito ay nagpanggap siyang kawaksi. Guwapo at maginoo ang amo niyang si Facundo. Parang gusto niyang ma-in love dito...
Ang kaso, paano nito magugustuhan ang isang kawaksing katulad niya kung may nobya na ito? Isang nobyang “eeww” pero mukhang mahal na mahal nito?

PHR 2992 Ang Pagkahumaling Ni Jovannie Lagumbay by Camilla

Inggit na inggit si Jong sa magandang kapalaran ng mga pinsan niya, partikular sa love life. Pero ayaw niyang masyadong umasa na matutulad siya sa mga ito. Pero biglang nagbago ang paniniwala niya nang makilala niya si Sanjay, ang lalaking basta na lang humalik sa kanya sa kasal ng kanyang pinsan.
Kiber niya kung may ex-girlfriend ito na ubod ng ganda. At kiber din na maaaring on the rebound lang ito! Pagbibigyan niya ang kanyang sarili sa pagkahumaling niya rito...

PHR 2993 Some Kind Of Wonderful by Amanda

He was simply known as Mr. X. Isang pasyente na noong dalhin sa ospital ay inakala ng lahat na isang taong grasa. Ni hindi nito alam ang pangalan at nakaraan.
Pero matiyagang inalagaan ni Emily si Mr. X at pinagpala ito. Nang matanggal ang mga dumi sa katawan nito ay isang guwapong lalaki ang tumambad sa paningin niya. And he had the most expressive brown eyes. At sa tuwing titingin si Emily sa mukha nito ay nararamdaman niya ang isnag kakatwang damdamin—a wonderful feeling na hindi pa niya naramdaman sa buong buhay niya.
Hahayaan ba ni Emily na mahulog ang loob niya sa isang taong hindi niya maaaring ipagmalaki? Would love prevail over the circumstances?

PHR 2994 The Skeleton In Peg's Closet by Camilla

Sa lahat yata ng may mabigat na kasalanan, si Peg pa ang maganda ang kaparusahan. Nang malantad ang itinatago niyang skeleton sa kanyang closet, ipina-dismiss siya ni Bowden Miniati sa trabaho. Pero may solusyon itong inialok para sa financial problems niya.
“Marry me,” sabi nito.
Nakikita niya na solusyon iyon sa mga pangangailangan niya. Pero hindi niya mahulaan ang catch...

MLH 371 Konrad McFadden by Cassandra

Bumalik si Juliana sa Hacienda Valderama para sa burol ng kanyang ama at kakambal. Matagal na panahong nawala siya roon kaya wala siyang inaasahang magandang pagtrato sa kanya ng mga tao roon sa kanya. Subalit nagulat na lang siya nang malaman niyang ipinamana sa kanya ng kanyang ama ang lahat ng ari-arian nito. Wala sana siyang balak na tanggapin iyon ngunit napilitan siya dahil kailangan niyang ipagamot ang kanyang ina.
Sa pagtira niya roon ay napalapit siya nang husto sa abogadong si Konrad. Ayon sa mga tagaroon ay dito raw siya naging pinakamalapit noong bata pa siya. Nakilala niya ang pagkatao nito at nahulog ang loob niya rito. At alam niyang ganoon din ito sa kanya nang manganib ang buhay niya at naroon ito para protektahan siya.
Ngunit malaking pagkakamali pala ang ibigin niya ito. Hindi pala para sa kanya ang damdamin nito kundi para sa kakambal niya…